"Монголын хөрөнгийн бирж" ТӨХК-ийн "Гишүүнчлэлийн журам"-ын 4.4.6 болон Гишүүнчлэлийн гэрээний 2.4.6.1-д тус тус зааснаар гишүүн үнэт цаасны компани нь "Нягтлан бодох бүртгэлийн тухай" хуульд заасны дагуу жилийн эцсийн санхүүгийн тайланг аудитын дүгнэлтийн хамт дараа оны 3 дугаар сарын 10-ны дотор, хагас жилийн санхүүгийн тайланг 7 дугаар сарын 25-ны дотор Биржид тус тус ирүүлэх үүрэгтэй байдаг. 2017 оны 2-р улирлын санхүүгийн тайланг нийт 58 гишүүн компаниас 42 компани хугацаанд нь ирүүлсэн байна.
Тайлант хугацаанд компаниудын эргэлтийн хөрөнгө өмнөх оны мөн үетэй харьцуулахад 43 хувиар, богино хугацаат өр төлбөр 83 хувиар, эздийн өмч 10 хувиар, нийт хөрөнгө 23 хувиар тус тус нэмэгдсэн үзүүлэлттэй байна.
2017 оны 08 дугаар сарын 14-ний өдрийн байдлаар санхүүгийн тайлангаа ирүүлсэн 49 компанийн санхүүгийн тайлангийн нэгтгэлийг эндээс үзнэ үү.
МОНГОЛЫН ХӨРӨНГИЙН БИРЖ