Сүүлийн үед Үнэт цаасны зах зээл дээр үйл ажиллагаа эрхлэх тусгай зөвшөөрөлтэй эсэх нь тодорхойгүй аж ахуйн нэгжүүд өөрийн цахим болон сошиал хуудаснуудаар дамжуулан биржийн бус зах зээл дээрээс хөрөнгө санхүүжилт босгох, баталгаат бонд гэх нэршилтэй өрийн хэрэгслийг олон нийтэд санал болгож иргэд, хуулийн этгээдээс мөнгөн хөрөнгө татан төвлөрүүлэх арга хэмжээнүүдийг удаа дараа зохион байгуулж байна.
Дээрх үйлдэл нь Монгол Улсын Үнэт цаасны зах зээл дээр зохицуулалттай этгээд зөвшөөрсөн санхүүгийн хэрэгслийг арилжих замаар хөрөнгө санхүүжилт татаж буй мэтээр ард иргэдэд ойлгогдож байна.
Иймд “Монголын хөрөнгийн бирж” ТӨХК нь өөрийн гишүүн байгууллагуудын эрх ашгийг хамгаалах эрх үүрэг бүхий өөрийгөө зохицуулах байгууллагын хувьд дээрх асуудлыг нягталж, олон нийтийг зөв мэдээллээр хангаж өгөхийг хүссэн албан тоотыг Санхүүгийн зохицуулах хороонд явууллаа.
МОНГОЛЫН ХӨРӨНГИЙН БИРЖ