Монгол Улсын Засгийн газрын үнэт цаасыг Монголын хөрөнгийн биржээр дамжуулан олон нийтэд арилжих тухай Санхүүгийн зохицуулах хорооны 2014 оны 10 сарын 21-ний өдрийн 389 тоот тогтоол, Монголын хөрөнгийн биржийн Гүйцэтгэх захирлын 2014 оны 11 сарын 05-ны өдрийн 178 тоот тушаал гарсан. 

 

Монголын хөрөнгийн биржийн 2014 оны 11 сарын 11-ний өдрийн анхдагч зах зээлийн арилжаагаар 52 долоо хоногийн хугацаатай, жилийн 16.25 хувийн өгөөжтэй, 230 400 000 төгрөгийн үнийн дүнтэй нийт 2 304 ширхэг ЗГҮЦ худалдан авах захиалга ирсэн бөгөөд Сангийн яамны зүгээс 100% нийлүүлэлтийг баталгаажууллаа. Энэхүү арилжаанд МХБ-ийн гишүүн үнэт цаасны компаниуд дараах байдлаар оролцсон байна. Үүнд:

 

№	Үнэт цаасны компанийн нэр	Тоо ширхэг
1	Би Ди Сек	1 293
2	Дэү Секьюритис Монгол	1 000
3	Тэнгэр капитал	10
4	Стандарт инвестмент	1
Нийт		2 304

 

Засгийн газрын үнэт цаасны дараагийн арилжааны захиалгыг 2014 оны 11 сарын 12-ны өдрөөс эхлэн авч эхлэх ба захиалга авах эцсийн хугацаа нь 2014 оны 11 сарын 18-ний өдөр дуусах юм. Энэхүү арилжаагаар 12 долоо хоногийн хугацаатай ЗГҮЦаас арилжих юм. Зах зээлийн эрэлт нийлүүлэлттэй уялдуулан Засгийн газрын үнэт цаасны хоёрдогч зах зээлийн арилжааг ойрын хугацаанд нээх болно.

 

Мэдээллийн алба 

МОНГОЛЫН ХӨРӨНГИЙН БИРЖ