Монгол Улсын Нягтлан бодох бүртгэлийн тухай хуулийн 13 дугаар зүйлийн 13.2, Үнэт цаасны зах зээлийн тухай хуулийн 20.1.6 дах заалтад заасны дагуу Хувьцаат компаниуд 2015 оны II улирлын санхүүгийн тайланг 7 сарын 20-ны дотор Монголын Хөрөнгийн Биржид хүргүүлэх үүрэгтэй байдаг.
Монгол Улсын Сангийн яамнаас дээрх хугацааг Улсын баяр наадам болон амралтын өдрүүдтэй давхцаж байгаатай холбогдуулан 2015 оны 07 дугаар сарын 23-ны өдрийг хүртэл сунгасан байна. Иймд МХБ-д бүртгэлтэй хувьцаат компаниуд нь хуулиар хүлээсэн нийтлэг чиг үүргийг хэрэгжүүлж, дээрх хугацаанд 2015 оны II улирлын санхүүгийн тайлангаа ирүүлнэ үү.
Тайлангаа хугацаандаа ирүүлээгүй хувьцаат компанийн талаарх мэдээллийг Санхүүгийн зохицуулах хороонд хүргүүлж зохих арга хэмжээ авах болохыг үүгээр мэдэгдэж байна.
Арилжаа, хяналтын алба
МОНГОЛЫН ХӨРӨНГИЙН БИРЖ