IPO

Индекс

16436.09

( 32.66 0.2% )
Индекс Нэгж Өөрчлөлт
Top 20 Индекс 16436.09 32.66
MSE A Индекс 8061.93 -8.03
MSE B Индекс 7445.13 36.06

Мэдээ мэдээлэл

8-Р САРЫН 10-НЫ ӨДРИЙН АРИЛЖААНЫ МЭДЭЭ

2020-08-10 16:18:03

2020 оны 8 дугаар сарын 10-ны өдөр 2,483,060,887 төгрөгийн үнийн дүн бүхий 1,695,573​​​​​​​ ширхэг үнэт цаас арилжаалагдсан байна.

"ЛЭНДМН ББСБ” ХК 2020 ОНЫ ЭХНИЙ ХАГАС ЖИЛИЙН САНХҮҮ, ҮЙЛ АЖИЛЛАГААНЫ ТАЙЛАНГАА ТАНИЛЦУУЛЛАА

2020-08-10 11:36:17

"ЛэндМН Бонд" нээлттэй өрийн хэрэгсэл гаргах замаар нийт 5 тэрбум төгрөгийн санхүүжилтийг амжилттай татан төвлөрүүлсэн.

“ТАЛХ ЧИХЭР” ХК 2020 ОНЫ ЭХНИЙ ХАГАС ЖИЛИЙН САНХҮҮ, ҮЙЛ АЖИЛЛАГААНЫ ТАЙЛАНГАА ТАНИЛЦУУЛЛАА

2020-08-10 10:32:32

Борлуулалтын орлого 2019 оны мөн үеэс 3.5  тэрбум төгрөгөөр өсч, 28.8 тэрбум төгрөг болсон бол цэвэр ашиг 8.9 хувь өсч 818.2 сая төгрөгийн ашигтай ажиллажээ.  

Мэдээ мэдээлэл

МОНГОЛЫН ХӨРӨНГИЙН БИРЖИЙН БҮРТГЭЛЭЭС ХАСАГДСАН НЭР БҮХИЙ ХУВЬЦААТ КОМПАНИУДЫН АНХААРАЛД

2013-08-26 17:02:03
Санхүүгийн зохицуулах хорооны эрх зүйн байдлын тухай хуульд заасан чиг үүргийн дагуу хөрөнгө оруулагчдыг хамгаалах, Хөрөнгийн биржийн бүртгэлийг олон улсын нийтлэг жишигт хүргэх бэлтгэлийг хангах зорилгын хүрээнд Хорооноос хувьцаат компаниудад газар дээрх шалгалт хийж, үйл ажиллагаа нь зогссон, өмч хөрөнгө үрэгдсэн, хувьцаа эзэмшигчдийн өмнө хуулиар хүлээсэн үүргээ хэрэгжүүлээгүй нэр бүхий 165 хувьцаат компанийн үнэт цаасны арилжааг Хорооны 2008 оны 77 дугаар тогтоолоор зогсоосон билээ.

Дээрхи тогтоолоор арилжааг нь зогсоосон 165 хувьцаат компаниудын удирдлага, эрх бүхий этгээдүүдэд хувьцаа эзэмшигчдийн хурлаараа компанийн үйл ажиллагааг сэргээх, компанийн зохион байгуулалтын хэлбэрийг өөрчлөх эсхүл компанийг татан буулгах эсэх асуудлыг хэлэлцэн шийдвэрлэж, холбогдох хүсэлтээ Хороонд тавьж шийдвэрлүүлэх талаар хугацаатай үүрэг өгч байсан боловч өнөөдрийг хүртэл Хороонд хандаж  байгаагүй болно.

Санхүүгийн зохицуулах хорооны 2013 оны 08 дугар сарын 14-ний өдрийн 278 дугаар тогтоолоор сүүлийн гурван жил хувьцаа эзэмшигчдийн ээлжит хурлыг Компанийн тухай хуульд заасан хугацаанд зарлан хуралдуулаагүй, Үнэт цаасны зах зээлийн тухай хуулийн 10 дугаар зүйлд заасан үнэт цаас гаргагчийн нийтлэг үүргийг хэрэгжүүлээгүй, Санхүүгийн зохицуулах хорооноос баталсан журмын дагуу хувьцаа эзэмшигчдэд хүргэх ёстой мэдээллүүдийг хуульд заасан хугацаанд нь хүргээгүй зэрэг зөрчлүүдийг удаа дараа гаргасан, мөн түүнчлэн “Монголын хөрөнгийн бирж” ХК-ийн “Үнэт цаасны бүртгэлийн журам”-ын шалгуур үзүүлэлт, бусад нөхцөл шаардлагыг хангаж ажиллаагүй нэр бүхий 57 хувьцаат компанийн үнэт цаасыг Монголын хөрөнгийн биржийн бүртгэлээс хассан болно.
Иймд тогтоолын 3 дахь хэсэгт заасны дагуу эдгээр компанийн удирдлагууд болон эрх бүхий этгээдүүд хувьцаа эзэмшигчдийн хурлыг зарлан хуралдуулж компанийн зохион байгуулалтын хэлбэрийг өөрчлөх, татан буулгах асуудлыг хэлэлцэн шийдвэрлэж, үнэт цаасаа бүртгэлээс хасуулах хүсэлтээ 2013 оны 12 дугаар сарын 01-ний дотор Хороонд ирүүлэхийг хавсралтад дурдсан нэр бүхий хувьцаат компанийн удирдлагуудад анхааруулж байна.

Дээрх хугацаанд хүсэлт ирүүлээгүй тохиолдолд бүртгэлээс хасагдсан компаниудыг татан буулгахад шаардлагатай арга хэмжээг шат дараалалтай авч хэрэгжүүлэх, шүүхэд нэхэмжлэл гаргах болохыг мэдэгдэж байна.

 

Санхүүгийн зохицуулах хорооны 2013 оны 8 дугаар сарын 14-ний өдрийн 278 дугаар тогтоолын хавсралтыг энд дарж үзнэ үү

 
САНХҮҮГИЙН ЗОХИЦУУЛАХ ХОРОО