Уул уурхайн бүтээгдэхүүний биржийн тухай хууль 2023 оны 06 дугаар сарын 30-ны өдрөөс хүчин төгөлдөр мөрдөгдөж, “Монголын хөрөнгийн бирж” ХК Санхүүгийн зохицуулах хорооноос олгосон Уул уурхайн бүтээгдэхүүний биржийн үйл ажиллагаа эрхлэх тусгай зөвшөөрлийн дагуу арилжаа зохион байгуулж эхэлсэн юм.

Улмаар 2023 оны 9 дүгээр сарын 15-ны өдөр төмрийн баяжмалын арилжааг амжилттай зохион байгуулсан бол 2023 оны 10 дугаар сард хайлуур жоншны баяжмалын арилжааг эхлүүлсэн.

Энэ хугацаанд нийт гурван удаагийн арилжаа товлогдсоноос өчигдөр /2024-06-07/ худалдан авагч тал анх удаа “Монголросцветмет” ТӨҮГ-ын 67 багц 4,355 тонн, CaF2-95%-ийн агууламжтай хайлуур жоншны баяжмалыг 1,567,800 ам.доллар буюу 5,301,876,294 төгрөгөөр худалдан авснаар Монгол Улсаас экспортод гаргах хайлуур жонш амжилттай арилжигдсан онцлох үйл явдал тохиолоо.

МОНГОЛЫН ХӨРӨНГИЙН БИРЖ