"Монголын цахилгаан холбоо" ХК нь Компанийн тухай хуулийн 46 дугаар зүйлийн 46.1, 46.5, 46.7, 46.8 дахь хэсэг, компанийн дүрмийн 6 дугаар зүйлийн 6.6 дахь заалт болон, Ногдол ашгийн журмыг тус тус үндэслэн Төлөөлөн Удирдах Зөвлөлийн 2025 оны 02 дугаар сарын 18-ны өдрийн № 02 тоот тогтоолоор 2024 оны цэвэр ашгийн 77.9 хувь буюу 25,870,276 (хорин таван сая найман зуун далан мянга хоёр зуун далан зургаан) төгрөгийг, нэгж хувьцаанд 1 (нэг) төгрөг байхаар тогтоон, ногдол ашиг хуваарилахаа мэдэгдлээ. 

Ногдол ашиг авах эрхтэй тус компанийн энгийн хувьцаа эзэмшигчдийн нэрсийн жагсаалт гаргах бүртгэлийн өдрийг 2025 оны хувьцаа эзэмшигчдийн ээлжит хурлын бүртгэлийн өдрөөр тогтоон, ногдол ашгийг 2025 оны 06 дугаар сарын сарын 02-ны өдрөөс эхлэн "Үнэт цаасны төвлөрсөн хадгаламжийн төв" ХХК-иар дамжуулан хуваарилахаар шийдвэрлэсэн байна.

Дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ