Санхүүгийн зохицуулах хорооны 2025 оны 09 дүгээр сарын 25-ны  өдрийн  352 дугаар тогтоол, “Монголын хөрөнгийн бирж” ХК-ийн Гүйцэтгэх захирлын үүргийг түр орлон гүйцэтгэгчийн 2025 оны 09 дүгээр сарын 29-ний өдрийн А/408 тоот тушаалын дагуу “Бэрс Эй Би Эс про ТЗК” ХХК нь олон нийтэд 24 сарын хугацаатай, жилийн 19.5 хувийн хүүтэй, нэг бүр нь 100,000 төгрөгийн нэрлэсэн үнэтэй нийт 29 тэрбум төгрөгийн үнийн дүн бүхий 290 мянган ширхэг хөрөнгөөр баталгаажсан баталгаат үнэт цаасыг санал болгосон.

Тус хөрөнгөөр баталгаажсан баталгаат үнэт цаасны анхдагч зах зээлийн арилжааны захиалгыг өнөөдөр буюу 2025 оны 10 дугаар сарын 06-ны өдөр хүлээн авч дууссан ба арилжааны системд "Бэрс-4.0" ХБҮЦ-ыг худалдан авахаар нийт 202 хөрөнгө оруулагчийн 203 захиалга бүртгэгдсэн байна.

МОНГОЛЫН ХӨРӨНГИЙН БИРЖ