Монгол Улсын Их Хурлын 2011.5.27-ны өдрийн 28 дугаар тогтоол, Засгийн газрын 2009 оны 321 дүгээр тогтоол, Сангийн сайдын 2011.06.07-ны өдрийн 128 дугаар тушаал, Монгол Улсын Сангийн яамны 2011.06.07-ны өдрийн үнэт цаас бүртгүүлэх хүсэлтийг тус тус үндэслэн Монголын Хөрөнгийн Биржийн гүйцэтгэх захирлын тушаалаар нэг бүр нь 100 000 төгрөгний нэрлэсэн үнэтэй, нийт 720 000 ширхэг буюу 72 тэрбум төгрөгний үнийн бүхий Засгийн газрын бондыг бүртгэсэн байна. Түүнчлэн бүртгэгдсэн бондын эхний хэсэг буюу 36 тэрбум төгрөгний бондыг өнөөдөр арилжсан бөгөөд үлдэх хэсгийг 2011.07.04, 2011.08.08-ны өдрүүдэд тус тус арилжих юм байна. Бондын арилжаагаар татсан санхүүгийн эх үүсвэрийг Засгийн газар “4000 төрийн албан хаагчийг орон сууцаар хангах хөтөлбөр”-ийг санхүүжүүлэхэд зориулах ажээ.