Монгол Улсын Засгийн газрын 2011 оны 06-р сарын 29-ний өдрийн 202 дугаар тогтоолоор Их Монгол Улс байгуулагдсаны 805 жил, Үндэсний их баяр наадам, Ардын хувьсгалын 90 жилийн ойн баярыг өргөн дэлгэр тэмдэглэн өнгөрүүлэх, иргэдэд ажил, амралтын цагаа зөв зохицуулах боломж бүрдүүлэх зорилгоор 7-р сарын 14-ний Пүрэв, 15-ны Баасан гарагийн ажлын өдрийг 7-р сарын 9-ний Бямба, 10-ны Ням гарагийн амралтын өдөрт шилжүүлсэн билээ. Засгийн газраас гаргасан шийдвэрийн дагуу Монголын хөрөнгийн биржийн үнэт цаасны арилжааны хуваарийг өөрчилж 2011 оны 07-р сарын 14, 15-ны өдрийн арилжааг 2011 оны 07-р сарын 09, 10-ны Бямба, Ням гарагт явуулах болсныг нийт Брокер дилерийн компаниудад мэдэгдэж байна.