Монголын хөрөнгийн биржийн I ангилалд бүртгэлтэй “Талх чихэр” ХК 2019 оны эхний хагас жилийн  санхүүгийн болон үйл ажиллагааны  тайлангаа Монголын хөрөнгийн бирж дээр танилцууллаа. Тайлант хугацаанд:

• “Талх чихэр” ХК 25.3 тэрбум төгрөгийн  борлуулалт хийж, 751.1 сая төгрөгийн ашигтай ажиллажээ. Борлуулалтын орлого 2018 оны мөн үеэс 5.2  тэрбум төгрөгөөр өсч, ашигт ажиллагааны түвшин 0.75 болж өмнөх оны мөн үеэс 0.01 пунктээр өссөн байна.

• Олон улсын хүнсний  аюулгүй байдлын удирдлагын  тогтолцооны ISO 22000:2005 стандартын гэрчилгээг баталгаажуулах шалгалтад орж, уг стандартыг амжилттай хэрэгжүүлж байгаагаа баталгаажуулжээ.

• ТОП-100  аж ахуйн нэгжид сүүлийн жилүүдэд тасралтгүй багтаж, Нийслэлийн шилдэг татвар төлөгч байгууллагаар шалгарсан байна.

• Нийгмийн хариуцлагын хүрээнд “Ухаалаг хэрэглэгч” хөтөлбөрийг амжилттай явуулсан байна. 

• 105 харилцагчтай түншийн гэрээ шинээр байгуулан ажилласны зэрэгцээ 3000 харилцагчдыг нэгтгэсэн арга хэмжээг зохион байгуулсан. 

• “Та Чи” бэйкери  Хотол үйлдвэр, “Та Чи” Март 5-р салбарыг нээн ажиллуулж байна.

“Талх Чихэр” ХК  энэ  ондоо багтаан  харилцагч   хэрэглэгчдийн таашаалд нийцсэн бүтээгдэхүүнүүдийн нэр төрлийг нэмэгдүүлэхээс гадна үйлдвэрийн тоног төхөөрөмжийн шинэчлэлийг шат дараалалтайгаар хийж байгаа тухай танилцууллаа.

Хагас жилийн тайлангийн дэлгэрэнгүйг Энд дарж үзнэ үү.

МОНГОЛЫН ХӨРӨНГИЙН БИРЖ