Компанийн тухай хуулийн 46 дугаар зүйл, Үнэт цаасны зах зээлийн тухай хуулийн 56 дугаар зүйлийн 56.2.1, СЗХ-ны “Үнэт цаас гаргагчийн мэдээллийн ил тод байдлын тухай журам”-ын 1 дүгээр зүйлийн 1.3 дахь заалт, 2 дугаар зүйлийн 2.3.5 дахь заалтад тус тус заасны дагуу Монголын хөрөнгийн биржид бүртгэлтэй компани нь ногдол ашиг хуваарилах эсэх шийдвэрээ жил бүрийн 2 дугаар сарын 20-ны өдрийн дотор ирүүлж, нийтэд мэдээлэх үүрэгтэй байдаг билээ.  

2020 оны 2 дугаар сарын 20-ны өдрийн байдлаар бүртгэлтэй нийт 198 компаниас нэр бүхий 95 компани хууль журмын дагуу шийдвэрээ ирүүлээд байна. Эдгээр компаниудаас 29 компани нь ногдол ашиг хуваарилах, 2 компани хувьцаа эзэмшигчдийн хурлаар хэлэлцэх, харин үлдсэн 64 компани нь ногдол ашиг хуваарилахгүй тухай шийдвэр ирүүлсэн байна.

Ногдол ашгийн шийдвэрийн нэгтгэлийг Энд дарж үзнэ үү. 

Нэгтгэлийн excel хувилбарыг Энд дарж татаж авна уу.

МОНГОЛЫН ХӨРӨНГИЙН БИРЖ