СЗХ-ны даргын 2020 оны 10 дугаар сарын 22-ны өдрийн 1/4328 тоот албан бичгээр "Үндэсний хувьчлалын сан” ХХХОС-гийн нэгж эрхийн анхдагч зах зээлийн арилжааг амжилттай болсонд тооцсон бөгөөд нэгж эрхийн хоёрдогч зах зээлийн арилжааг 2020 оны 10 дугаар сарын 23-ны өдрөөс эхлүүлэх зөвшөөрлийг олгосон байна.
Нэгж эрхийн хоёрдогч зах зээлийн арилжааг "Үнэт цаасны төвлөрсөн хадгаламжийн төв" ХХК дахь хөрөнгө оруулагчдын дансанд сангийн нэгж эрхийг байршуулан холбогдох мэдээллийг солилцсоны дараа буюу 2020 оны 10 дугаар сарын 26-ны өдрөөс эхлүүлэхээр боллоо. Иймээс хөрөнгө оруулагчид анхдагч зах зээлийн арилжаанаас үлдсэн мөнгийг үнэт цаасны компаниараа дамжуулан буцаан авах эрх өнөөдрөөс үүсч байна.
"Үндэсний хувьчлалын сан” ХХХОС нь Хөрөнгө оруулалтын сангийн тухай хуулийн 19.7 -д заасны дагуу тус сан нь СЗХ-ноос үйл ажиллагаа явуулах тусгай зөвшөөрлийг авсны үндсэнд хөрөнгө удирдлагын үйл ажиллагаагаа эхлүүлэх юм.
СЗХ-ны албан бичгийг Энд дарж үзнэ үү.
МОНГОЛЫН ХӨРӨНГИЙН БИРЖ