Улсын Их Хурлын 2011 оны 6 дугаар сарын 3-ны нэгдсэн чуулганаар “Үндэсний үйлдвэрлэгчдийг дэмжих, ажлын байр нэмэгдүүлэх зарим арга хэмжээний тухай” 30 дугаар тогтоолыг баталж, мал аж ахуйн гаралтай түүхий эд, бүтээгдэхүүнээр нэмэгдсэн өртөг шингэсэн эцсийн бүтээгдэхүүн үйлдвэрлэгчид болон жижиг, дунд үйлдвэрлэл эрхлэгчидийг дэмжих, ажлын байрыг нэмэгдүүлэх зорилгоор ноолууран болон эцсийн бүтээгдэхүүн үйлдвэрлэгчдэд хөнгөлттэй нөхцөлөөр зээл олгох, жижиг дунд үйлдвэрийг дэмжих эх үүсвэрийг бүрдүүлэх зорилгоор 300,0 тэрбум төгрөгийн Засгийн газрын үнэт цаасыг гаргаж, арилжихыг Засгийн газарт зөвшөөрсөн бөгөөд энэхүү тогтоолыг хэрэгжүүлэх зорилгоор эхний ээлжийн 25 тэрбум төгрөгийн үнэт цаасыг Монголын хөрөнгийн биржээр дамжуулан өнөөдөр арилжаалав. Арилжааны нээлтэнд Монгол улсын сангийн яамны дэд сайд Ч.Ганхуяг, ХХААХҮ -ийн дэд сайд Х.Золжаргал болон Монгол банкны дэд ерөнхийлөгч Б.Жавхлан нар оролцож арилжааг нээв. Өнөөдрийн арилжаагаар 23.2 тэрбум төгрөгийн бонд арилжигдав. Дараагийн 8 дугаар сарын 16-ны бондын арилжаа дараах нөхцөлтэй байна: Хугацаа /жил/ Тоо хэмжээ Нэгжийн үнэ Нийт дүн Дуудах хүү 1 200,000.00 100,000.00 20,000,000,000.00 8.00% 2 50,000.00 100,000.00 5,000,000,000.00 9.00%