2025 оны 08 дугаар сарын 20-ны өдөр энгийн арилжаагаар 42 хувьцаат компанийн 343,507,189 төгрөгийн үнийн дүн бүхий 1,045,083 ширхэг хувьцаа арилжаалагдсанаас 15 компанийн хувьцааны ханш өсч, 20 компанийн хувьцааны ханш буурсан бол 7 компанийн ханш тогтвортой байлаа.

Үүнээс Монгол савхи ХК (UYN +14.90%), Хөх ган ХК (HGN +14.85%), Женко тур бюро ХК (JTB +7.92%) зэрэг компаниудын хувьцааны ханш хамгийн өндөр өсөлттэй байсан бол Атар-Өргөө ХК (ATR -3.74%), Газар Шим Үйлдвэр ХК (GAZR -3.34%), Булигаар ХК (MBG -3.26%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 34,971 ширхэг нэгж эрх 9,735,070 төгрөгөөр,

• Хөрөнгөөр баталгаажсан 20,310 ширхэг үнэт цаас 2,027,156,600 төгрөгөөр,

• Компанийн бондын хоёрдогч зах зээлийн арилжаанд нийт 150 ширхэг үнэт цаас 14,700,000 төгрөгөөр тус тус арилжигдсан байна.

Уул уурхайн бүтээгдэхүүний арилжаагаар:

• "Энержи Ресурс" ХХК-ийн 2 багц 12,800 тонн баяжуулсан коксжих нүүрс 10,880,000 юань буюу 5,446,528,000 төгрөгөөр,

• "Эрдэнэс Тавантолгой" ХК-ийн 5 багц 32,000 тонн эрчим хүчний нүүрс /Битумт, үл барьцалдах нүүрс/ 1,232,000 ам.доллар буюу 4,427,068,800 төгрөгөөр,

• "Энержи Ресурс" ХХК-ийн 3 багц 19,200 тонн баяжуулсан дунд зэрэг үнстэй хагас хатуу коксжих нүүрс 6,528,000 юань  буюу 3,267,916,800 төгрөгөөр тус тус арилжигдсан. 

Энэ өдөр нийт 15,536,612,459 төгрөгийн үнийн дүн бүхий арилжаа зохион байгуулав. 

ТOП-20 индекс -0.12% хувиар буурч, 48,699.7 нэгж болсон бол зах зээлийн үнэлгээ 12,337,686,030,253 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү. 

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ