"Монголын хөрөнгийн бирж" ТӨХК нь орон нутгийн иргэдийн үнэт цаасны зах зээлийн талаарх мэдлэг, мэдээллийг дээшлүүлэх ажлын хүрээнд зах зээлийн зохицуулагч болон мэргэжлийн байгууллагууд, "Эрдэнэс Тавантолгой" ХК-тай хамтран "Хөрөнгийн зах зээлийн нээлттэй өдөрлөг"-ийг Булган, Дархан-Уул, Орхон, Увс, Баян-Өлгий, Ховд аймгуудад амжилттай зохион байгуулсан билээ.
Орон нутгийн дараагийн өдөрлөгийг Хэнтий, Сүхбаатар, Дорнод аймгуудад 2018 оны 12 дугаар сарын 05-07-ны өдрүүдэд тус тус зохион байгуулж, хөрөнгийн зах зээлийн суурь ойлголтууд, хувьцаа, бондын арилжаанд хэрхэн оролцох, хөрөнгийн зах зээлээс компаниуд санхүүжилт татах боломж зэрэг сэдвээр сургалт явуулахаас гадна "Эрдэнэс тавантолгой" ХК-ийн үйл ажиллагаа, иргэдэд олгосон хувьцааны талаарх дэлгэрэнгүй мэдээлэл, 1991 оны хөрөнгө оруулалтын эрхийн бичигтэй /ягаан цэнхэр тасалбар/ холбоотой дансны мэдээллийг шүүх, ногдол ашгийн мэдээллийг өгөх, арилжааны данс нээх, иргэдийн өргөдөл гомдлыг хүлээн авч шийдвэрлэх тул нутгийн иргэдийг өргөнөөр оролцохыг урьж байна.
Өдөрлөгийн хуваарь, зохион байгуулагдах газар:
| № | Аймгийн нэр | Хугацаа | Хаяг |
| 1 | Хэнтий | 2018.12.05-ны өдрийн 12.00-17.00 цагт | Ханхэнтий чуулгын байр |
| 2 | Сүхбаатар | 2018.12.06-ны өдрийн 10.00-17.00 цагт | Аймгийн ЗДТГ-ын байр |
| 3 | Дорнод | 2018.12.07-ны өдрийн 10.00-17.00 цагт | МСҮТ-ийн байр |
МОНГОЛЫН ХӨРӨНГИЙН БИРЖ