"Монголын хөрөнгийн бирж" ХК-ийн хувьцаа эзэмшигчдийн ээлжит хурлыг 2025 оны 04 дүгээр сарын 21-ний өдрийн 10:00 цагт цахим, танхим хосолсон хэлбэрээр зохион байгуулна.
Цахимаар оролцох иргэд https://agm.mn/ цахим хуудсаар, танхимаар оролцох хувьцаа эзэмшигч та "Монголын хөрөнгийн бирж" ХК-ийн байранд хүрэлцэн ирж хурал зохион байгуулах комисст бүртгүүлээд хуралд оролцох боломжтой.
Та хуралд бүртгүүлэх заавартай энд дарж танилцана уу.
Хувьцаа эзэмшигчдийн хурлын урьдчилсан саналыг 2025 оны 04 сарын 18-ны өдрийн 17:00 цаг хүртэлх хугацаанд өөрийн харилцагч Үнэт цаасны компаниар дамжуулан цаасан хэлбэрээр, эсхүл дээрх зааврын дагуу цахим хэлбэрээр өгөх боломжтой.
Хурлаар дараах асуудлуудыг хэлэлцэнэ.
Үүнд:
-
Компанийн 2024 оны үйл ажиллагааны болон санхүүгийн тайлангийн талаарх Төлөөлөн удирдах зөвлөлийн дүгнэлтийг хэлэлцэж батлах;
-
Компанийн 2025 оны Эдийн засгийн үндсэн үзүүлэлт, зорилтот түвшний саналыг хэлэлцэж, батлах;
-
Компанийн үндсэн үйл ажиллагаанд ашигладаг системийн талаар авах зарим арга хэмжээний тухай;
-
Төлөөлөн удирдах зөвлөлийн гишүүдийн цалин хөлсийг тогтоох тухай;
-
Хяналтын зөвлөлийн гишүүдийг сонгох тухай.
Хувьцаа эзэмшигч Та ажлын өдрүүдэд 09:00-17:00 цагийн хооронд өөрийн харилцагч үнэт цаасны компаниар дамжуулж, эсхүл (ЭНД ДАРЖ) хурлын материалтай танилцах боломжтой.
Хувьцаа эзэмшигчдийн ээлжит хуралтай холбоотой мэдээллийг 11-313747 дугаарын утсаар лавлана уу.
МОНГОЛЫН ХӨРӨНГИЙН БИРЖ